Oso ekitaldi pertsonala eta hurbila da, eta urtero EUROGAPeko lan talde osoak parte hartzen du bertan, gure bezero, kolaboratzaile eta lagunek jardunaldi baliagarri, atsegin eta entretenigarriaz goza dezaten.

Enpresei eta merkatuari buruzko kezkak izan eta merkatuko tresna eta joera berriak ezagutzeko gogoa duten pertsonei zuzenduta dago gure urteko topagunea. Horretarako, profil profesional oso zabala hartzen dugu: Kontseilariak eta Zuzendari Nagusiak; Marketin, Merkataritza eta Finantza Zuzendariak; Giza Baliabideetako Zuzendariak… gure inguruko enpresarik garrantzitsuenetakoak.

Gure asebetetze galdetegian lortzen dugun erantzun-indizea nahiko altua da, balorazioak oso positiboak izaten dira, hitzaldiaren eta hizlariaren kalitatea, baliagarritasuna eta dibertigarritasuna kontuan hartuta.

Lehen irizpidea: ibilbide profesionalak marketin edo merkatu ikuspegia izan behar du oinarri.

Bigarren irizpidea (gure hautapenerako oso garrantzitsua): hautagaiak bere karrera profesionala bideratu eta pertsonak eta lan taldeak kudeatzeko orduan, giza balioetan oinarritu izatea, talde kohesionatu bat sortuz, koherentzia aplikatuz, ingurunea bere osotasunean zainduz eta gizartean eragin positiboa izanez.

EUROGAPen, bi irizpide horiek oso barneratuta ditugu, gure DNAren eta gure balioen parte dira, eta bi irizpide horiek betetzeko egunero lanean ari diren pertsonen lana aitortu nahi dugu.